Элстин вальс
- 25.07.2010 15:50
Хун цаһан гермүд тосхсн
Хаалта баһчудын цогц баахн
Хальмгин теегт дүңгәлҗ босхсн
Хотл балһсн Элст сәәхн
Давтвр:
Элстин вальс баһчудын вальс
Эргәд биильхд таалта айс
Эңкр Элст зүркндм өөр/
Эн балһсн мини зөөр / 2 д.
Өргн уульнцд көк паркд
Өлзәтә җирһлин көвң буслна
Өнр баһчудын кишгтә өркд
Өдр ирвәс байр икднә
Давтвр
Җиңсн дун цеңнс инәдн
Җирһлин айсла негдҗ асхрна
Җилин насни байрта наадн
Җигтә сәәхн бииһәр кеернә
Давтвр
